SYLVANECTUM vulgo SENLIS

SYLVANECTUM, vulgo SENLIS

Galliae Belgicae oppid. in Picardiae provincia, sic dictum a Silvis. Gregor. Turonens. l. 9. c. 20. Ad fluv. Nonnette, Episcopalis sub Archiepiscopo Remensi. Quibusdam videtur Augustomagus Ptolemaei, et Silviacum Lupi Ferrar. Situ amoenissimô, prope Silvam Ratiatensem de Retz. Primus Ecclesiae Silvanectensis Episcopus Proculus fuit. Urbs praeteritô saeculô a Ligistis obsesla est, fuitque spectatrix pugnae, inter Ducem Longaevillanum et Aumalium commislae, Duchesn, recher. des ant. des villes, Sammart. Fall. Christ. Concilia hîc celebrata A. C. 863. quô Rothadius Suessionensis Episcop. sede motus est, A. C. 873. quô Carolomannus Diaconus, contra patrem Carolum Calvum rebellis, condemnatus pauloque post excaecatus est. A. C. 990. quô Carolus Lotharingiae Dux ob Adalberonem Episcopum Laudunensum in vincula coniectum, et agrum circumiacentem misere vastatum, excommunicatus est. A. C. 1310. ob Templarios, A. C. 1316. 1317. 1326. 1402. ubi actum de Schismate, inter Bonifacium IX. et Benedict. XIII. finiendo, etc. Vide Morerium Dict. Hist. et supra in voce Silvanectum.